香港傷健協會主席何永煊教授致辭稿全文

更新日期:11月 13




各位嘉賓、各位傳媒朋友大家好!

香港傷健協會從1972年成立以來,一直致力推動傷健共融,讓傷殘及健全人士能夠在一個無障礙的環境下交流,達致互動及互助,從而締造一個和諧共融的社會。協會一直都從各方面着手去做宣傳,推廣及教育等工作,希望傷健共融的種子能夠在社區內散播。

去年協會透過「他視點」共融推廣計劃,讓大眾可以從傷殘人士的角度,去了解他們對日常生活及生活環境的看法,明白「他是點」,即「佢係點」。喺香港著名漫畫家利志達先生細緻嘅筆觸下,「他視點」廣告成功於當時引起公眾同各界關注,讓更多人願意切身處地去想像同了解傷殘人士嘅處境,踏出共融的第一步。協會衷心多謝咁多位合作伙伴嘅參與,以及傳媒朋友嘅報道。

2020年係充滿挑戰嘅一年,不論係傷殘人士還是健全人士都面對著好多唔熟悉嘅情況。哩一年入面,我哋不斷被人提醒,人與人之間需要保持「距離」。但當大家一齊面對逆境,互助互動,例如「分發抗疫物資比有需要人士」嘅微小行動,卻不斷令社會上不同人士嘅「距離」拉近,亦更能體現共融嘅真諦。協會相信,我哋每個人喺城市裡面嘅角色都同樣重要,每一小步對推動無障礙社會都有很大嘅幫助。

今次「來,同踏出第一步」嘅廣告計劃,再次與利志達先生以及專業的廣告公司Tomorrow Communication Limited 合作,當中嘅理念就正正反映我哋今年嘅經歷。關於廣告當中的創作理念,我哋嘅合作伙伴一陣會再作分享。

除此之外,「來,同踏出第一步」共融推廣計劃仲會用創新嘅方式,鼓勵公眾行多步,身體力行參與,協會相信,透過利志達先生精雕細琢的筆觸、各界人士嘅參與,並且匯聚各界嘅力量,必定可以為大眾帶來迴響,讓更多人願意傷健同行,就好似我背後呢幅圖畫一樣,一齊用更創新既方式推動共融,為建構無障礙社會作出貢獻。多謝各位!

  • Grey Facebook Icon
  • Grey Instagram Icon
  • Grey YouTube Icon

© 2020 香港傷健協會

​聯絡方法: hq@hkphab.org.hk